Tout autressi corn fraint nois et ivers, (46)

Tout autressi corn fraint nois et ivers, (46)

Tout autressi corn fraint nois et ivers,
Que vient estes, que li dois tans repaire,
Si doit fraindre li faus prières, sers
Et fins amis amender son affaire.
Et je dout molt qu’il ne m’en soit divers ,
Séffl est tot as autres debonaire.
Mais tant me fi là, où beauté repaire,
Que aymant sui, se tout n’est vers moi fers.

Par Dieu! Amors, ains serai vains et pers,
Et plus destrois que cil, qui porte haire,
Que ne sache de vous un autre vers
Que n’est icil, qui tant me fait mal traire.
Ne soiez pas com li cigne, qu’adès
Bat ses cigneaux, quant il lor doit miex faire,
Quant il sont grant et il vient à son aire,
Et où premiers les a noris et ters.

Nule paine a, qui guerredon aient;
Ce est à aise, qui bien i scet entendre,
Car, qui adès veut faire son talent,
L’on i peut bien mainte chose reprendre,
Tel chevauchent molt acesméement,
Qui ne sevent lour grant honour entendre,
En Amor;, a maint guerredon à prendre,
Dont el poet bien son dru faire joiant.

Certes, Dame, bien cuide à escient,
N’i dois perdre, sé ne me puis deffendre
De vos amer. Me va Amours hastani
Que je me claime vaincus sans cop rendre.
Et vous tenés le baston en estant;
Si faites tant qu’on ne vos puist reprendre.
Et je vous voil avec ce tant aprendre,
Sé m’ociez, n’i gagnerez noiant.

A envis prend nul nus oiselet au broi
Qu’il ne i’ méhaint, ou ocie, ou afole.
Et Amors prent tot autre tel convoi
De molt de ceux, qu’ele tient en s’escole.
Gent les alrait: si lor monstre pourquoi.
A premiers est chascuns si liés qu’il vole.
Molt m’a trait bel; mais si me faut parole.
Que vos dirai de ci? Ce poise moi.

Chançon, va-t-en cele part, où je voi
Dons cuer au moins, quoique die parole.
Et se mi oel sont loins, ice m’afole:
Mais je me fi tout adès en ma foi.