: « Je Thiebaus. conte palatins de Champaigne et de Brie, fais savoir à touts cels
» qui verront et oiront ces presentes lettres, que
» comme contans fut de faire jugement comment le enfans masles de mes chas
» telains et de mes barons deussent partir entre’aus, c’est à sçavoir combien li
» aisnés doit penre en contre lor puisné , je de l’assentement et dou conseil de
» mes feaux barons et chastelains, c’est à sçavoir de redoutable pere Mile; evesque
» de Beauvais et de mon chier cousin et de li seal ami Guy, comte de Bar-lou
» Duc, et mes amez et féaux lou comte de S. Pol, Jean comte de Chartres , le
» comte de Roussy, le comte de Vatdrimont, Simon de Joinville, Eirard de
» Briene, Simon de Chastelvilain, Hnes de S. Pol, Gautier de Vignori, Guar
» nier de Trinel, Reigneier de Noigent, Ansial de la Pesse, Guy d’Arcies,
» Thomas de Cocy , Nicolas de Rumilly , Gautier d’Ardillieres, Witaces de
» Conflans, le chastelain de Vitry , Regnaut de Dampierre, Simon de Soise
» Fontaine, Guy de Sailly , Jacques de Chacenay, Jean de Plancy, Clerem
» baud de Chappes, Gauthier de Risnel , Robert de Ville, Erard d’Aunoy,
» vidame de Chaalons, et de mes auitres barons , desquels leurs sceaux sont
» pendus en ceste présente lettre. Je ay estably que li ainnez fils penra en contre
» tous ses freres puisnez ; tout soy que ilz n’ayent eu tre’aus que un seul chastel,
» li ainnez l’aura, et les fiez de cel chastel, et les charuages et les prez, et les
» vingnes , et les aigues et les estangs qui sont dans les paroisses et les rentes
» et les issues d’icel chastel seront prisiés avec l’autre terre, et en toutes ces
» choses aura autant li uns comme li autres, en telle maniere que la partie à
» l’ainné frere li sera assise es rentes et chesnées (f. essemes, terres ensemen
» cées ) qui seront au chastel : et si aucuns des freres avoit rien au chastel ce
» qu’il y averoit seroit de la jostisse à l’ainné freres; et se ils avoient entrei
» aus maison forte, li secons l’averoit en tout l’avantage des fiez, des charuages,
» des preys, des vingnes, des aigues et des estangs qui seront dedans les paro
» chages de la ville ou les maisons forts; et se il avient plusoures fortereces,
» elles seroicnt divisées selon lou fait dou chastel, selon ce qui est escript cy
» bas dessous , et se il avenoit que ils ne fussent que duis freres et ils euissient
» duis chastiaus ou trois, li aimné penroit celuy que il mieux ameroit, et
» chascuns averoit les fiez dou chastel que il retenroit à son huez , et averoit
» lés charuages, les vingnes et les prez, les aigues et les estangs qui seroient
» dedans les finages d’icel chastel, et après li ainnez penroit lou tiers chastel
» et les fiez d’icel chastel, et les charuages, les vingnes, † prez, les aigues, les es
» tangs qui seront dedans le patochage dou tiers chastel, et les rentes et les
» yssues d’icel tiers chastel seront prisiées, et ce qu’elles vauront chascuns, aura la
» mitié, en telle maniere que chascuns penra sa part cn la chastelerie d’icel chastel
» se sa partie vault tant; et se cil qui avera lou pejour chastel et la pejour chas
» telenie n’avoit la vaillance de sa part ou chastel selon lou pris dou chastel et de
» la terre qui est devant dicte, cel qui averoit la plus grande partie, li par
» teroit en terre plene ; et se il me le pooit pas saire en terre plene, il l’y parte
» roit en ses chastiaux, sauve la jostisse au seigneur dou chastel , selon ce que il
» est cy-dessus escript. Et se il avoient entre aus quatre chastiaux , li puisné
» averoit lou quart chastel ; et se il avoient plusours chastiaux , toute en telle
» maniere seroient divisé ; et se il estoient plus d’hoirs que nous n’avons dessus
» dict et il eussent plusonrs chastiaux, li ainné penroit à sa volonté un chastel et
» li puisné un autre chastiau que il mieux aimeroit, et en telle maniere seroient
» toujours divisé. C’est à sçavoir que li ainné penroit à sa volonté et
» en telle maniere cliascun d’aus averoit en son chastel, l’avantage dou chastel,
» si comme li est expressé dessus, et les rentes seront prises selon ce qu’il est di
» visé dessus; et se il estoient tant d’hoirs que chascuns ne pooit avoir un
» chastel, cil qui ne porroit avoir chastel, averoit sa part en terre plene, si
» comme il est dessus dict. C’est à sçavoir que ciz establissement en faict de
» tous chastiaux qui meuvent de moy, et dou cestuy jour qu’il est fait ou temps
» à avenir qu’il sera frumez, et les partisons qui ont esté faictes jusqu’au jour
» que ces Lettres furent faictes, elles seront estables et dureront; et pour
» que ce soit créable chose et guenue fermement, je et li Barons avons scellez
» ces présentes de nos sceaux. Ce fut faict en l’an de grâce MCC XXIV, lou
» jour de Noel ou mois de Noel »
( Extrait des papiers du P. Vignier jésuite. )
