Tuit mi desir et tuit mi grief torment (49)

Tuit mi désir, tuit mi grief tonnent
Viennent de là, où sont tuit mi pensé.
Grant paor ai por ce que toute gent,
Qui ont veu son beau corps esmeré,
Ont envers lui si bonne volonté,
Nes d »eus aime: je I » sai à escient,
Grant merveille est, quant il s »en sueffre tant.

Tout esbahis me vois en merveillant
Où Diex a pris si estrange beauté.
Quant il la mist ça jus entre la gent,
Molt nos en fit grant débonaireté.
Treslout le monde en a enluminé;
De sa valor sont tuit li bien si grant,
Nus ne la voit, qu »il ne l »en die autant,

Qui la poroit sovent ramentevoir,
Ja n »auroit mal: ne l »esluet guérir.
Car elle fait tous ceauls miels valoir.
Que elle veult de bon cuer acoillir.
Deus! tant me fust griès de li départir!
Merci, Amors! faites li à savoir:
Cuers, qui n »aime, ne puet grant joie avoir.

Bonne aventure aviegne à bon espoir,
Qui les amans fait vivre et esjoïr.
Despérance fait languir et doloir:
Et mes fols cuer m »i fait cuidier garir.
S »il fust sages, il me fesist morir.
Por ce fait bon de la folie avoir;
Qu »en trop grant sens puet on bien mescheoir.

Sosviegne vous, Dame, dou dous acueil,
Qui jà fut fait por si grant désirier;
Que n »orent pas tant de pooir mi oeil.
Que je vers vous les peusses adressier.
Ne ma bouche ne vous osoit proier.
Ne poi dire, Dame, ce que je voil:
Tant fui coars, las! qu »encor m »en doeil.

Merci, Dame, qui me faites douloir!
Sé il vous plaist, ne m »i laissiez mourir
Car je vous sers toujours à mon povoir;
Ne jamès jor ne m »en quiers départir.
Com fins amans voil à ce obéir:
Que vostre sui; ne jamais remouvoir
N »en quier pour riens, qui me face doloir.

Dame, sé je vous puis mais araisnier,
Je parlerai molt miex que je ne soeil,
S »amors me Iaist, qui trop me maine orgueil.
Chançon, va-t-en droit à Raoul noncier
Qu »il serve Amors, et face bel acoeil,
Et chant sovent com oisel en broeil.