Une chanson encor vueil (50)

Une chanson encor vueil (50) (13)

 

 

Il faut qu »il fasse encore une chanson pour se consoler : lorsqu »il ne chante pas ,l »amour qu »il a pour sa Dame lui fait verser des larmes.

Une chanson encor vueil
Faire por moi conforter:
Pour cele, dont je me dueil,
Vueil mont chant renoveler.
Por ce ai talent de chanter:
Car, quant je ne chant, mi oeil
Tornent sovent en plorer.

Simple et franche sans orgueil
Quidai ma Dame trover.
Molt me fu de bel acueil:
Mès ce fu pour moi grever.
Si sont à li mi penser
Que la nuit, quant je someil,
Va mes cuer merci crier.

En dormant et en veillant
Et mes cuers tosjors à li; (a)
Et si prie doucement
Com à sa Dame merci.
En sa pitié tant me fi
Que, quant j »i pens durement,
De joie touz m »entrobli.

Joie et duel a cil sovent,
Qui le mien mal a senti.
Mes cuers pleure, et moi je chant:
Ainsi m »ont mi oeil trahi.
Amors, tost avez saisi;
Mais molt guerredonés tant,
Ne pour quant de moi vous pri.

Hélas! s »il ne li sovient
De moi, mors sui sans faillir.
S »el savoit d »où mes maux vient,
Bien l »en devroit sovenir.
Cest maus me fera morir,
Sé ma Dame n »en sostient
Une part par son plaisir.

Chançon, di li sans mentir
Qu »uns regars le cuer me tient,
Que li vis faire au partir.