Une dolors enossée (51)

Vers des Chansons, qui n »ont pas leur mesure ..

Une dolors enossée (51) 

 

Une dolors enossée
Est dedans mon cors,
Que je ne puis geter hors
Por nule riens, qui soit née.
C »est la dolors d »amors,
Dont n »ai confort ne secors,
Ains croi ce, que j »aim, me hée.

Volonté désesperée
Doit on gieter fuer.
Ne je ne voil à nul fuer
Qu »ele soit en moi entrée.
Miex aime mes dolors
Soffrir et mes grans pavors;
Car soffrir vaint consirée.

Dame, ains ne m »osai complaindre:
A vous tant ne quant
N »en quiers mès parler avant;
Ne ailleurs ne m »en veut plaindre.
Ains attendrai voir
Sa merci, de dur voloir
Sé pitié ne la fait fraindre.

Bien voi que n »i puis ataindre
Pour nul mandement.
Que vostre beauté trop grant
Fait mon sens et cuer estaindre.
Si que n »ai pooir
De vous dire mon voloir:
Por tant puet tosjors remaindre.

N »ose entrer en son repaire,
Tant dout son courous.
As souspirs et as sanglous
Me tien-g »; que n »en puis plus faire.
Ains vois aorant
Le lieu et merci criant
Com à un haut sanctuaire.

Dame, que j »aime tant,
Quelque bien en délaiant
Me donez pour plus atraire.
Bernart, cil, qui sent
Mes maus, et merci n »atent,
Trop a anui et contraire.