Mauditte soit condicion de chien
Balade d’Eustache D’eschamps ,
Eustache Deschamps, né vers 1340 à Vertus en Champagne et mort entre le et le début de l’année 1405), de son vrai nom Eustache Morel, est un poète français qui a contribué à fixer les formes considérées comme typiquement médiévales par sa réflexion théorique dans L’Art de dictier, premier art poétique écrit en langue d’oïl en 1392
Pour estre tout perdu d’uy a demain
Incipit Mauditte soit condicion de chien
Ci commencent Balades de moralitéz
Mauditte soit condicion de chien 1a
Et de lion en homme de puissance.
Car destruit sont tuit li bon et li bien,
Qui de ces deux a bien la congnoissance.
5 Convoiteus est, envieux sanz doubtance,
Chiens. Et lyons de sa propre figure
Est orgueilleus et crueulx par nature.
Qui ces quatre a, s’il est prince mondain,
Met son honnour et terre en aventure,
10 Pour estre tout perdu d’uy a demain.
Car ou li chiens n’a defaulte de rien,
Et qui est saoul, convoite il et s’avance
D’autri mangier ravir.
On le scet bien,
Par l’envie qu’il a d’autri substance.
15 Orgueilleus est lyons d’oultrecuidance
Et trescrueux.
Toute beste queurt sure,
Chascun le craint pour sa cruauté dure :
Mais de l’amer l’a chascun en desdaing,
S’il lui venoit une mesaventure,
20 Pour estre tout perdu d’uy a demain.
Princes, qui a ces.iiii., or le tien,
N’est pas seigneur a qui on ait plaisance.
Car Convoitier, qui est vice ancien, 1b
Le fait haïr. Envie desavance
25 Honnour en li.
Son orgueil, sa bobance Le destruira :
Cruauté li procure
A ces subgiéz haine et murmure,
Et, en la fin, com le poisson a l’ain,
Le lasse et prant a dolente pasture,
30 Pour estre tout perdu d’uy a demain.
L’envoy Princes, qui tient ces poins de nourreture
Ou de naiscent, si les delaisse a plain :
Car c’est uns maulx et une pourreture,
Pour estre tout perdu d’uy a demain.
