Trés haute Amors, qui tant s’est abaissie (48)

Très haute Amors, qui tant s’est abaissie (48) (4)

Portrait de sa dame , il lui promet une chanson tous le sans au premier de mai .

Très haute Amors, qui tant s’est abaissie
Qu’en mon cuer se daigna hébergier,
A faire un chant m’a preste s’aie.
Si chanterai; car por moi enseignier
A Amors pris en moi son héritage,
Et se je chant, ce n’est pas par usage:
Ains voil chanter por ce que cele l’oie,
Qui puet faire mon duel devenir joie.

Amours me fisl une grant courtoisie,
Quant en tel lieu voult mon cuer emploier,
Où Dex a mis de ses biens tel partie
Que toz li mons i auroit que prisier.
Je cuidoie qu’amant fuissent tuit sage;
Sage n’en sont. J’aim, et si fais folage:
Car j’aim Dame, que proier n’oseroie;
Et si n’ai oeil si hardi qui la voie.

Cele, que j’aim, est de toi seignorie
Que sa biautez me fait outrecuidier.
Quant je la voi, je ne sai que je die:
Si sui sospris que je ne l’os proier.
Las! je morrai, s’ele ne m’assoage.
S’ele m’occit, trop fera grant outrage.
Plus sentporlide maus, qui me guerroie,
Qu’onc n’ot Paris por Hélene de Troie,

Dame, en qui est toute honors assegie,
En moi grever poez griement pechier.
Sé fin Amors vos a de moi saisie,
Ne me mettez por ce de vos arrier.
Votre hom deving loiaus, de vrai corage,
D’une chançon rendue à héritage
Le jor de mai. Dex doint que bien l’emploie!
Car ja n’aurai voloir que j’en recroie.

Hé! mesdisant, vilaine gent haïe,
De moi grever vos vois apareillier.
Et sachiez bien, c’est molt grant vilennie :
Car je sui cil, qui n’en auroit mestier.
Mais la douçours, qui maint en son visage.
De loiauté li porte tesmoignage.
Por ce n’ai pas paor qu’ele vos croie,
Se la duriez de vos ne la mes voie.