Tout autressi com l’ente fait venir (47)

Tout autressi com l’ente fait venir (47) (36)

L’été fait fondre les neiges et les glaces ; la confiance d’un Amant , ses larmes , ses prieres doivent fléchir de même de coeur d’une maîtresse. 

Tout autressi com l’ente fait venir
Li arrousers de l’aigue, qui chiet sus,
Fait bone Amor naistre, et croistre, et florir
Li remenbrer par costume et par us.
D’Amors loial n’iert nus audessus:
Ains les convient audessous maintenir.
Pour c’est ma douce dolor
Plaine de si grant paor.
Dame, si fais grant vigor
De chanter, quant de cuer plor.

Pleust à Dieu, por ma dolor garir
Qu’el fust Thisbé; car je suis Pyramus.
Mais je vois bien , ce ne puet avenir!
Ainsi morrai ; que je n’en aurai plus,
Ahi! Dame, com sui par vos confus,
Quant d’un quarrel me venistes ferir!
Li ars ne fu pas d’aubor,
Qui si trait par grant vigor.
Espris fui d’ardent amor,
Quant vous vi le premier jor.

Dame, se je servisse Dieu autant
Et priasse de vrai cuer et entier,
Com je fais vos, bien sai à escient
Qu’en paradis eusses autre loier.
Mais je ne puis ne servir ne proier,
Dame, fors vous, à qui mes cuers s’aient.
Si ne puis apercevoir
Comment joie en doie avoir:
Et je ne vos puis veoir
Fors d’iex clos et de cuer noir.

Li prophete di vrai, ne pas ne ment:
Que en la fin faudront li droiturier.
Et la fins est venue droitement,
Quant cruauté vaint merci ne proier;
Et biau servir n’i puet avoir mestier,
Ni biaus parler, n’alendre longuement.
Ains a plus orgueil pooir
Et bobans que dous voloir.
Ne contre Amour n’est savoir,
Qu’alentc sans désespoir.

Aigle, s’en vous ne puis merci trover,
Bien sai et voi qu’à tous biens ai failli.
Se vous ainsi me volés eschevcr,
Que vous de moi n’aiez quelque merci,
Ja n’aurez mais un si loial ami,
Ne jamais jor ne pourrez recouvrer.
Et je me morrai chaitis
Loin de vostre biau cler vis,
Où naist la rose et le lis.
Ma vie en sera mès pis.

Aigle, j’ai tous jors apris
A estre loiaus amis:
Si me vaudroit mieus un ris
De vous, qu’estre en paradis.