Tant ai Amors servies longuement

Tant ai Amors servies longuement( 81 )

Tant ai Amors servies longuement,
Que dès or mais ne m’en doit nus reprendre,
Se je m’en part. Or a Dieu les commant.
L’on ne doit pas toz jors folie emprendre;
Et cil est fols que ne s’en set defendre,
Ne n’i connoit son mal ne son tonnent.
L’on me tendroit dès or mais por enfant;
Car chascuns tens doit’ sa saison atendre.

Je ne sui pas si come cele autre gent,
Qui ont amé et puis sevuelent contendre,
Et dient mal par vilain mautalent. (a)
On ne doit pas Seigneur service vendre,
Ne vers amour mesdire ne mesprendre:
Mais qui s’en part, parte s’en bonement.
Endroit de moi veuil je que tout amant
Aient grant bien , quant je rien n’i puis prendre.

Amors m’a fait grans biens jusques ici:
Ele m’a fait amer sans vilonie
La plus très bele et la meillor aussi,
Qui oncques fust mien enscient choisie,
Amors le vuet et ma Dame m’en prie
Que je m’en parte; et je moult l’en merci.
Quant par le gré ma Dame m’en chasti,
Meillor raison n’ai je de ma partie.

Nulle chose ne m’a Amors méri
De tant com j’ai esté en sa baillie.
Mais bien m’a Des par sa pitié guari,
Quant délivré m’a de sa seignorie.
Quant eschapés eu sui sans perdre vie,
Ains de mes ieuls si boine eure ne vi.
Si cuid-je faire encor maint jus parti,
Et maint sonet, et mainte renverdie.