Quant fine Amors me prie que je chant (38)

Quant fine Amors me prie que je chant (38) (16)

Quand l’amour l’invite à chanter , il ne peut s’en défendre . Ses désirs et ses plaisirs viennet de l’amour .

Quant fine Amors me prie que je chant,
Chanter m’esiuet; et je ne Y puis laissier.
Car si sui tous en son commandement
Qu’en moi n’a mes deffense ne dangier.
Sé la belle, que je n’os mais proier,
N’en a merci, et pitié ne l’enprent,
Morir m’esluet amoreus en chantant.

Morir en puis, s’Amors ne li consent;
Car sans Amors ne m’i puet riens aidier.
Et quant de li viennent tuit mi torment,
Bien m’i devroit ma doleur alegier;
Por ce li pri qu’ele vueil essaier
S’ele a pooir vers celi, que j’aim tant ,
Par proière ne par comandement.

Tuit mi désir et tuit mi fin talent
Viennent d’Araors. Onques ne soi trichier:
Ains sai amer si amoreusement,
Douce Dame , que ja ne quiers changier.
Dès icel jour, que vos soi acointier,
Vos donai si cuer, et cors, et talant,
Que rien fors vous ne me feroit joiant.

Quant si me sui assené finement
En fine Amor, qu’autre déduit n’en quier.
Ne fins amis ne doit vivre autrement;
– Mais qu’il n’en puist partir ne esloignier.
Se bien amer m’i puet avoir mestier,
J’aurai joie de vostre beau cors gent,
Bele et bone de dous acointement.

Sé Dex me doint ce que je li demant, ( Dieux )
Au mont n’a rien , qui tant face à prisier ,
Come cele de qui ma chançon chant,
De grant valors et de bon pris entier.
Plus seit valor qu’on ne set souhaidier.
Or me doint Dex li amer et servir (Dieux )
Tant que merci aie, que vois querant!

Beau douz amis, bien me puis afficher
Que j’aim dou mont toute la mieuz vaillant,
La plus cortoise et la mieuz avenant.
Chançon, va-t-en ; garde ne te targier.
Di Noblot que cuer , qui se repent,
Ne sent mie ce que li miens cuers sent.