Pour mal temps, ne pour gelée (36 )
Pour mal temps, ne pour gelée, (36 ) (19)
Rien ne le détournera d’aimer celle qui le tient sous sa puissance , un tendre coeur , qui s’humilie , doit trouver grace.
Pour mal temps, ne pour gelée,
Ne pour froide matinée,
Ne pour nule autreriens née
Ne partirai ma pensée
D’amor, quetai.
Que trop l’ai amée
De cuer verai. — Valara!
Belle et blonde et coulorée,
Moi plaist quant qu’il vous agrée.
Et Dieux! que me fust donée
L’amour, que vous ai rovée,
Quant vous priai!
S’ele m’est véée
Je m’en morrai. — Valara!
Dame, en la vostre baillie
Ai mis cuers et cors et vie.
Pour Dieu! ne m’ociez mie!
Là où fins cuers s’umilie
Doit on trouver
Merci et aie
Pour conforter. — Valara!
Dame, faites courtoisie
Vostre ami, qui vous en prie,
Et qui tant en vous se fie
Que belle riens, douce amie
Vous os nommer.
N’onques n’eut envie
D’autre amer. — Valara!
Onques jor ne me seus plaindre,
Tant se tient ma dolors graindre.
Ne d’amer ne sai faindre:
Ne mes maus ne puis estaindre,
Se je ne di
Que toz veuil remaindre
En sa merci. — Valara!
Trop seroit fort à estaindre
Ghançon de li.
L’amors est à fraindre,
Dont pense à li. — Valara!
